52-anyos na ginang, ginahasa umano bago patayin

Patay at wala nang damit pang-ibaba ang 52-taong gulang na ginang nang matagpuan ng mga pulis sa Sagay, Negros Occidental.

Paniwala ng mga pulis, ginahasa muna ang ginang bago ito pinatay sa pamamagitan ng pananakal.

May mga sugat sa mukha at leeg ang biktma.

Ayon sa kaanak ng biktima, Lunes nang umalis ang biktima mula sa kanilang tahanan para manghingi ng pagkain para sa kanyang dalawang anak pero hindi na siya nakabalik.

Natagpuan sa loob ng isang taniman ng tubo ang kanyang labi.

Tinutugis na ng mga pulis ang isa sa mga suspek.

source:abscbnnews